ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ផ្អាកការងារអធិការរងនៃអធិការដ្ឋាននគរបាលស្រុកកូនមុំ លោក អ៊ុត សឿង ជាបណ្តោះអាសន្ន

  • ចុះផ្សាយថ្ងៃទី២៥ ខែឧសភា ឆ្នាំ២០២៣ ម៉ោង ០៩:៤៩ នាទី ដោយ EAC News
  • 1757
  Aa |   aA

រតនគិរី៖ អធិការរងនៃអធិការដ្ឋាននគរបាលស្រុកកូនមុំ លោកវរសេនីយ៍ត្រី អ៊ុត សឿង ត្រូវបានស្នងការដ្ឋាននគរបាលខេត្តរតនគិរីផ្អាកការងារជាបណ្តោះអាសន្ន ក្រោយរកឃើញថាលោកបានប្រព្រឹត្តិល្បែងជល់មាន់ខុសច្បាប់ក្នុងផ្ទះលោកដែលស្ថិតនៅភូមិ៣ ឃុំត្រពាំងច្រេស ស្រុកកូនមុំ ខេត្តរតនគិរី។

កាលពីថ្ងៃទី៣០ ខែមេសា ឆ្នាំ២០២៣ ក្រុមការងារនគរបាលស្រុកកូនមុំ បានចុះទៅឃាត់ដល់ផ្ទះលោកវរសេនីយ៍ត្រី អ៊ុត សឿង ដែលបានលួចលេងល្បែងជល់មាន់ខុសច្បាប់ ប៉ុន្តែលោកអធិការរងនៃអធិការដ្ឋាននគរបាលស្រុកកូនមុំ មិនត្រឹមតែមិនទទួលស្គាល់កំហុសនោះទេ ថែមទាំងបន្ទោសក្រុមការងារខ្លួនថាចុះមកឃាត់មិនបានប្រាប់ឱ្យដឹងជាមុន។

តាមវីដេអូដែលផ្សព្វផ្សាយនៅក្នុងគណនីហ្វេសប៊ុកឈ្មោះ Ket Sothy លោកវរសេនីយ៍ត្រី អ៊ុត សឿង បានបង្ហាញឬកពារមិនសមជាអធិការរងនៃអធិការដ្ឋាននគរបាលស្រុកកូនមុំ ដោយលោកបាននិយាយថា៖ «មនុស្សគេគោរព គេយល់គ្នា អាឡូមេ ឥឡូវផ្ទះមេឯង (លេងល្បែងជល់មាន់) និយាយគ្នាទៅ ចាំបាច់មកធ្វើអ៊ុកឡុកអ៊ីចឹងធ្វើអី?»។

ក្រុមការងារបានឆ្លើយតបទៅវិញថា កន្លងមកធ្លាប់បានហាមម្តងទៅ២ដងរួចមកហើយ ប៉ុន្តែនៅតែផ្គើន អាងខ្លួនជាអធិការរង។ ក្រុមការងារបាននិយាយថា៖ «បងឯងជាអធិការរងទាំងមូលមិននាំគ្នាបង្រ្កាប (ល្បែងជល់មាន់) គិតតែនាំគ្នាលេង»។

ពាក់ព័ន្ធនឹងករណីនេះ ស្នងការដ្ឋាននគរបាលខេត្តរតនគិរី បានអះអាងថា កម្លាំងជំនាញរបស់ស្នងការដ្ឋានរួមជាមួយក្រុមប្រឹក្សាវិន័យនៃស្នងការដ្ឋាននគរបាលខេត្តរតនគិរី កំពុងបន្តស្រាវជ្រាវគ្រប់អ្នកដែលពាក់ព័ន្ធបញ្ហានេះបន្ថែមទៀត។

ស្នងការដ្ឋាននគរបាលខេត្តរតនគិរី បញ្ជាក់ទៀតថា ប្រសិនរកឃើញថា លោកវរសេនីយ៍ត្រី អ៊ុត សឿង ពិតជាបានប្រព្រឹត្តខុសនោះនឹងត្រូវរងវិន័យរបស់កងកម្លាំងនគរបាលជាតិឱ្យបានតឹងរ៉ឹង៕ 


ព័ត៌មានជាច្រើនទៀតសម្រាប់អ្នក